ރައްޔިތު ބައްދަލުވުމުގެ ދަޢުވަތު

               ހަނިމާދޫ ކައުންސިލްގެ 214 ވަނަ ބައްދަލުވުމުން ހަނިމާދޫ ރައްޔިތުންނާއި  މަޝްވަރާކުރުމަށް ނިންމާފައިވާތީ، ރައްޔިތު ބައްދަލުވުމަށް ދަޢުވަތު އަރުވަމެވެ.

ތާރީޙް: 07 މާރިޗް 2026 (ހޮނިހިރުދުވަހުގެ ރޭ)

ތަން: ހަނިމާދޫ އިޖްތިމާއީ މަރުކަޒު

-         ހަނިމާދޫގައި މިހާރު ގޯތި ބޭނުންވެފައިތިބި ރައްޔިތުންނާއި ހިރިމަރަދޫއިން ހަނިމާދޫއަށް ބަދަލުކުރާ ރައްޔިތުންނަށް ގޯތި ދޭނެ ސަރަހައްދަކާއި ގުޅޭގޮތުން މަޝްވަރާކުރުމަށް.   

              މިބައްދަލުވުމަށް ރަށުގެ އެންމެހާ ރައްޔިތުންނަށް ދަޢުވަތު އަރުވަމެވެ. ވީމާ، މިކަން އާންމުކޮށް އަންގާ އިއުލާން ކުރަމެވެ.         

ހަނިމާދޫ ކައުންސިލްގެ މަސް މާރުކޭޓް މަރާމާތު ކޮށްދޭނެ ފަރާތެއް ހޯދަންބޭނުންވެއްޖެއެވެ.

 މިކައުންސިލުން ދޭ މަޢުލޫމާތާއި އެއްގޮތަށް މަސް މާރުކޭޓް މަރާމާތު ކޮށްދޭނެ ފަރާތެއް ހޯދަންބޭނުންވެއްޖެއެވެ.

             ވީމާ، މި ކަމަށް އަންދާސީ ހިސާބު ހުށަހެޅުއްވުމަށް ޝައުޤުވެރިވެލައްވާ  ފަރާތްތަކުން ތިރީގައި ދެންނެވިފައިވާ ގޮތުގެ މަތީން މަޢުލޫމާތު ސާފުކޮށް އަންދާސީ ހިސާބު ހުށައެޅުއްވުންއެދެމެވެ.

މަޢުލޫމާތު ސާފުކުރުން

ހެނދުނު 11:00 / ހދ ހަނިމާދޫ ކައުންސިލް އިދާރާގެ ޖަލްސާ މާލަމް

އަންދާސީ ހިސާބު ހުށައެޅުން އަދި ހުޅުވުން

ހެނދުނު 11:00 / ހދ. ހަނިމާދޫ ކައުންސިލް އިދާރާގެ މީޓިންރޫމުގައި

             އަންދާސީ ހިސާބު ހުށައެޅުއްވުމަށް ވަޑައިގަންނަވާ ކޮންމެ ފަރާތަކުންވެސް ހުށައެޅުއްވޭނީ 1 (އެކެއް) އަންދާސީ ހިސާބެވެ. އަންދާސީ ހިސާބު ހުށައެޅުއްވުން އޮންނާނީ ހަނިމާދޫ ކައުންސިލް އިދާރާގެ ޖަލްސާކުރާ މާލަމްގައިއެވެ. އަންދާސީ ހިސާބު ހުށައެޅުއްވޭނީ މިނިސްޓްރީ އޮފް އިކޮނޮމިކް ޑިވެލޮޕްމެންޓްގައި، ވިޔަފާރި ރަޖިސްޓްރީ ކޮށްފައިވާ އަދި މިބީލަމުގައި މަޢުލޫމާތު ސާފުކޮށް ރަޖިސްޓަރީވި ފަރާތްތަކަށް އެކަނި ކަމުގައި ދަންނަވަމެވެ. އަދި ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށައެޅުމުގެ ފުރުސަތެއް ނުދެވޭނެއެވެ.

                 ވީމާ، މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.

                 16 ޝައުބާން 1447

                 04 ފެބްރުއަރީ 2026

1447  ވަނަ އަހަރުގެ ރަމަޟާންމަހަށް ސަރުކާރުންދެއްވާ ރޯދަހަދިޔާ ގެގޮތުގައި ކޮންމެ ގޭބީސީއަކަށް މަސްދަޅުކޭހެއް ދިނުމަށްވަނީ ހަމަޖެހިފައެވެ. 

މި ފެށޭ ރަމަޟާން މަހުގެ ރޯދަ ހަދިޔާގެ ގޮތުގައި ސަރުކާރުން ދޭން ނިންމާފައިވާ މަސްދަޅު ކޭސް ބެހުމާއިގުޅޭ

މިކައުންސިލުން ދޭ މަޢުލޫމާތާއި އެއްގޮތަށް ވޭސްޓް މެނޭޖްމަންޓް ސެންޓަރުގައި ކުނިވާޒާތުގެ ކުނި އެންދުމަށް ބޭނުންވާ އިންސިނަރޭޓަރއެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

ހަނިމާދޫ ކައުންސިލްގެ ވޭސްޓް މެނޭޖްމަންޓް ސެންޓަރުގެ ބޭނުމަށް އިންސިނަރޭޓަރއެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

މިކައުންސިލުން ދޭ މަޢުލޫމާތާއި އެއްގޮތަށް ވޭސްޓް މެނޭޖްމަންޓް ސެންޓަރުގެ ބޭނުމަށް ލޯޑަރެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

ހަނިމާދޫ ކައުންސިލްގެ ވޭސްޓް މެނޭޖްމަންޓް ސެންޓަރުގެ ބޭނުމަށް ލޯޑަރެއް ސަޕްލައިކޮށްދޭނެ ފަރާތެއް ހޯދަން ބޭނުންވެއްޖެއެވެ.

ސުރުޙީގައި ބަޔާންކުރެވުނު ފަތުރުވެރިކަން ހަނިމާދޫ އަށް "ހަނިމާދޫ އޭސް އަ ޑެސްޓިނޭޝަން"، ފަތުރުވެރިކަމުގެ ދާއިރާގެ ހުރިހާ ވިޔަފާރިތަކެއް އެއް ފުރާޅެއްގެ ދަށުން މާރކެޓް ކުރުމާއި މިކަމަށް ޕްލެޓް ފޯމެއް އުފެއްދުމާއި 1447 ވަނަ އަހަރުގެ އަލްޙާ ޢީދު އަދި ފިތުރު ޢީދު ހަނިމާދޫގައި ފާހަގަ ކޮށްދޭނެ ފަރާތެއް ހޯދަން މިކައުންސިލުން  ބޭނުންވެއްޖެއެވެ.

ފަތުރުވެރިކަމުގެ މަންޒިލެއްގެ ގޮތުގައި ހަނިމާދޫ އިސްތިހާރުކުރުމާއި ފިތުރު އަދި އަޟުޙާ ޢީދު ހަނިމާދޫގައި ފާހަގަ ކުރުން.

1447 ރޯދަ ހަދިޔާއާއި ގުޅޭ

މަޢޫލޫމާތައްޓަކައި ޙިއްސާކޮށްލަމެވެ. 

ސަރުކާރުން ހިންގާ 20 އަހަރު ދުވަަހުގެ ތަރައްްޤީގެ ޕްލޭންތައް ތައްޔާރު ކުރުމަށް ސަރުކާރުން ޙަވާލު ކޮށްފައިވާ ފަރާތުން ބޭއްވުމަށް ބޭނުންވާ ރައްޔިތުންގެ މަޝްވާރާ ބައްދުލުވުން ”ކުރިމަގުސައްލާ“ ގައި ބައިވެރިވުމަށް ހުރިހާ ރައްޔިތުންނަށް ދައުވަތު ދެއްވަމެވެ.

ހަނިމާދޫ ކައުންސިލްގެ ފުޓްބޯޅަ މުބާރަތް 2025 ހިންގައިދޭނެ ފަރާތެއް ހޯދަންބޭނުންވެއްޖެއެވެ.

               މިކައުންސިލުންދޭ މަޢުލޫމާތާއި އެއްގޮތަށް ހަނިމާދޫ ކައުންސިލްގެ ފުޓްބޯޅަ މުބާރާތް 2025 ހިންގައިދޭނެ ފަރާތެއް ހޯދަން ބޭނުން ވެއްޖެއެވެ.

               ވީމާ، މި ކަމަށް އަންދާސީ ހިސާބު ހުށަހެޅުއްވުމަށް ޝައުޤުވެރިވެލައްވާ  ފަރާތްތަކުން ތިރީގައި ދެންނެވިފައިވާ ގޮތުގެ މަތީން މަޢުލޫމާތު ސާފުކޮށް އަންދާސީ ހިސާބު ހުށައެޅުއްވުންއެދެމެވެ.

 10 ސެޕްޓެމްބަރ 2025 (ބުދަ)

ހެނދުނު 11:30 / ހދ ހަނިމާދޫ ކައުންސިލް އިދާރާގެ ޖަލްސާ މާލަމް

 22 ސެޕްޓެމްބަރ 2025 (ހޯމަ)

އަންދާސީ ހިސާބު ހުށައެޅުއްވުމަށް ވަޑައިގަންނަވާ ކޮންމެ ފަރާތަކުންވެސް ހުށައެޅުއްވޭނީ 1 (އެކެއް) އަންދާސީ ހިސާބެވެ. އަންދާސީ ހިސާބު ހުށައެޅުއްވުން އޮންނާނީ ހަނިމާދޫ ކައުންސިލް އިދާރާގެ ޖަލްސާކުރާ މާލަމްގައިއެވެ. އަންދާސީ ހިސާބު ހުށައެޅުއްވޭނީ މިނިސްޓްރީ އޮފް އިކޮނޮމިކް ޑިވެލޮޕްމެންޓްގައި، ވިޔަފާރި ރަޖިސްޓްރީ ކޮށްފައިވާ އަދި މިބީލަމުގައި މަޢުލޫމާތު ސާފުކޮށް ރަޖިސްޓަރީވި ފަރާތްތަކަށް އެކަނި ކަމުގައި ދަންނަވަމެވެ. އަދި ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށައެޅުމުގެ ފުރުސަތެއް ނުދެވޭނެއެވެ.

             ވިމާ، މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.

ހަނިމާދޫ ކައުންސިލްގެ ފުޓްބޯޅަ މުބާރަތް 2025 ހިންގައިދޭނެ ފަރާތެއް ހޯދަންބޭނުންވެއްޖެއެވެ

ހަނިމާދޫ ޕޮލިސް ސާވިސް

ހަނިމާދޫ ކައުންސިލް އިދާރާ

Hanimaadhoo Council 

ހަނިމާދޫ ސިއްޙީ މަރުކަޒު

Hanimaadhoo Health Center 

Providing Electricity , water & sewerage service.

ފެނަކަ ކޯޕޮރޭޝަން

ފެނަކަ ހަނިމާދޫ 

ހަނިމާދޫ ސްކޫލް

ތިލަދުންމަތީ ދެކުނުބުރީ ހަނިމާދޫ ކައުންސިލްގެ އިދާރާ

Secretariat of Hanimaadhoo Council

ހދ. ހަނިމާދޫގެ  އާބާދީގައި 2451 މީހުން (އަންހެން 1222 ފިރިހެން 1229 ) ހިމެނެއެވެ. މައުލޫމާތު:( ހަނިމާދޫ ކައުންސިލްގެ އިދާރާގެ ރެކޯޑްސްއިން) 
ހަނިމާދޫއަކީ ދިވެހިރާއްޖޭގެ ރަށްތަކުގެ ތެރެއިން  5 ވަނައަށް އެންމެބޮޑު ގުދުރަތީ ބިން މިންވަރު ކުރެއްވި އެއްރަށެވެ. މި ރަށުގެ އާބާދީގެ ތެރެއިން %70 އިންސައްތަ މީހުން ދިރިއުޅެމުންދަނީ ރަށުގައެވެ. މިރަށުގައި 2664 އަށްވުރެ ގިނަ ދޭސީން ނާއިއެކު،  ބިދޭސީ 1300 އަށްވުރެ ގިނަ މީހުން ދިރިއުޅެއެވެ. ( ސޯސް: 2022 ބޯހިމެނުން އަދި ހަނިމާދު ކައުންސިލް އިދާރާގެ ލިޔެކިޔުން ތަކުން). 
މިރަށުން 945 ގޯތި ދޫކުރެވިފައިވާއިރު މީހުން ދިރިއުޅެނީ 513 ގޯތީގައެވެ. 2023 ވަނަ އަހަރުގައި 3000 އަކަފޫޓުގެ 200 ގޯތި އިތުރަށް ދޫކުރެވިފައިވެއެވެ. މިރަށުގެ އާބާދީ  އިތުރުވާ ނިސްބަތަކީ 2% އެވެ. 2026 ވަނަ އަހަރުގެ ނިޔަލަށް މިނިސްބަތުން މިރަށުގެ  އާބާދީ 3700  އާއި ގާތްކުރާނެ ކަމަށް ލަފާކުރެވެއެވެ. 
މިރަށުގެ ރައްޔިތުން މައިގަނޑުގޮތެއްގައި ހަރަކާތްތެރިވަނީ ސަރުކާރު ވަޒީފާ އަދާކުރުމުގެ ދާއިރާތަކުގައެވެ. ފަތުރުވެރިކަމާއި، މަސްވެރިކަން، ކާބޯތަކެތި އުފެއްދުމާއި، ވަޑާންކުރުމާއި، ގެދޮރު އިމާރާތްކުރުމުގެ މަސައްކަތް އަދި ދަނޑުވެރިކަމުގެ ސިނާއަތް ރަނގަޅު މިންވަރެއްގައި މިރަށުގައި ކުރިއަރަމުން އެބަދެއެވެ. 
މިރަށުގައި ބައިނަލްއަޤްވާމީ ވައިގެ ބަނދަރެއް ޤާއިމުކޮށްފައިވުމުން އެބަނދަރުގެ ފަހިކަން މިސަރަޙައްދުގެ ދަތުރުވެރިންނަށާއި ފަތުރުވެރިންނަށް ލިބެމުންދެއެވެ. އަދި އެ ބަނދަރު އިތުރަށް ތަރައްޤީ ކުރުމުގެ ބިޔަ މަޝްރޫއެއް ދައުލަތުން ފަށްޓަވައި، މިޕްރޮޖެކްޓުގެ ފުރަތަމަ ފޭސް ނިންމައި ހަނިމާދޫ އިންޓަނޭޝަނަލް އެއާޕޯޓް ވަނީ 9 ނޮވެމްބަރ 2025 ވަނަ ދުވަހު ރަސްމީކޮށް ހުޅުވާފައެވެ. މިރަށުގައި ފަތުރުވެރިންނަށް އަމާޒުކޮށް ސިޓީ ހޮޓަލަކާއި 11 ގެސްޓްހައުސް ހިންގަމުންދާކަން ފާހަގަކޮށްލަމެވެ.  ސްނޯކްލިންގ، ޑައިވިންގ، މޫދު ކުޅިވަރުތައް އަދި ސްޕޯރޓް މަސްވެރިކަމާއި ފޮޓޯ ނެގުން ފަދަ ޚިދުމަތް މިރަށުގައި ފަތުރުވެރިންނަށް އަމާޒުކޮށްގެން ދެމުން ގެންދެއެވެ. ހަނިމާދޫ ކައުންސިލްގެ ފަރާތުން ފަތުރުވެރިކަމަށް އަމާޒްކޮށް ގެސްޓް ހައުސް ތަރައްޤީ ކުރުމަށް ގިނަ އަދަދެއްގެ ބިންތަކެއް ދޫކުރެވި އަދި ދޫކުރުމުގެ މަސައްކަތް މިހާރުވެސް ކުރިއަށް ގެންދެއެވެ. 
ލަފާ ފުރުމަށްޓަކައި 1200 ފޫޓް ދިގު 300 ފޫޓް ފުޅާ ބަނދަރެއް ފެރީ ޓާރމިނަލެއް ހިމެނޭހެން ތަރައްޤީ ކުރެވިފައިވެއެވެ. ބަނދަރުގައި 2 ފަންގިފިލާއަށް މަސް މާރުކޭޓެއް ރެސްޓޯރެންޓަކާއިއެކު ޤާއިމުކުރެވިފައި ވެއެވެ. ކައުންސިލްގެ ފަރާތުން ހޮނޑައިދޫ އަވަށާ ދިމާ އަތިރިމަތީގައި ސަންސެޓް ރެސްޓޯރަންޓެއް ތަރައްޤީކުރުމުގެ މަސައްކަތް ވަނީ ނިމި، މިރެސްޓޯރަންޓް ހިންގުން ބިޑް އުސޫލުން ބަޔަކާއި ޙަވާލުކޮށްފައެވެ. ބަނދަރު ސަރަޙައްދުގައި ލޯކަލް މާރުކޭޓެއް އެޅުމުގެ ވިސްނުން ކައުންސިލުން ގެންގުޅެއެވެ. ޑީސަލާއި ޕެޓްރޯލް ލިބޭނެ އިންތިޒާމް ބަނދަރުގައި ޤާއިމުކުރެވި، ބަނދަރު ސަރަޙައްދުން ވިޔަފާރިތަކަށް ބިން ދޫކުރެވިފައި ވެއެވެ. ޒަމާނީ ފެންވަރަށް ހަނިމާދޫގެ މަގުތައް ހެދިފައިވެއެވެ. 
ފުލުހުންގެ ޚިދުމަތް ދިނުމަށް (ޕޮލިސް ސްޓޭޝަނެއްގެ ޚިދުމަތް) ކައުންސިލްގެ އިމާރާތެއްގައި ދެމުންދެއެވެ. 2025 ވަނަ އަހަރު ފުލުހުންގެ އިދާރާ އެޅުމަށް ކައުންސިލުން ވަނީ ބިން ހަމަޖައްސަވައި ދެއްވާފައެވެ. ކަސްޓަމްސްގެ އޮފީހެއް ޤާއިމު ކުރެވިފައިވެއެވެ. ކަރަންޓްގެ ޚިދުމަތް ފެނަކަ ކޯޕަރޭޝަން ލިމިޓެޑްގެ ފަރާތުން 24 ގަޑިއިރު ދެމުން ގެންދެއެވެ.  
މިރަށުގައި ސިއްހީ މަރުކަޒެއް ހުރެއެވެ. އެ މަރުކަޒުގައި  ޑޮކްޓަރުން ތިއްބަވާއިރު އެތަނުން 24 ގަޑިއިރުގެ ޞިއްޙީ ޚިދުމަތް ރައްޔިތުންނަށް ދެމުންގެންދެއެވެ. 2022 ވަނަ އަހަރުން ފެށިގެން ދައުލަތުގެ ބަޖެޓްގައި ހޮސްޕިޓަލެއް އެޅުމަށް ސަރުކާރުން ހިމަނުއްވާ 3 ފަހަރެއްގެ މަތިން ހޮސްޕިޓަލް އަޅައިދޭނެ ބަޔަކު ހޯދުމަށް އިއުލާން ކުރެވި  ބަޔަކާއި ހަވާލުކޮއްފައިވެއެވެ. ނަމަވެސް، 2024 ވަނަ އަހަރު ނިމިގެން ދިޔައީ ހޮސްޕިޓަލްގެ އަމަލީ މަސައްކަތް ނުފެށިއެވެ. އަދި މިހޮސްޕިޓަލް އެޅުމުގެ މަސައްކަތް 2025 ވަނަ އަހަރު ވަނީ ރޯޑް ޑިވެލޮޕްމަންޓް ކޯޕަރޭޝަން އާއި ޙަވާލުކުރެވިފައެވެ. ހަނިމާދޫ ސްކޫލްގައި ފައުންޑޭޝަން ސްޓޭޖް ކްލާސްތަކުން ފެށިގެން ގްރޭޑް 12 އަށް ކިޔަވައިދެމުން ގެންދެއެވެ. ހަނިމާދޫ ޒުވާނުންގެ ޖަމިއްޔާއިން ރައްޔިތުންގެ އެދުމަށް ހިންގާ ޕްރީސްކޫލެއް މިރަށުގައި ހުރެއެވެ. 
އިސްލާމިކް ޔުނިވަރސިޓީގެ ފަރާތުން ހިންގާ ލާރނިންގ ސެންޓަރެއް ބައު ސްކޫލުގެ އިމާރާތުގައި ޚިދުމަތް ދެމުންއައިސް ހަނިމާދޫގައި ތިއްބަވާ ސިފައިންގެ ވަގުތީ މަރުކަޒަކަށް ބައު ސްކޫލު ހަމަޖެހި އިސްލާމިކް ޔުނިވަރސިޓީގެ ފަރާތުން ހިންގާ ލާރނިންގ ސެންޓަރުގެ ޚިދުމަތް ވަގުތީ ގޮތުންވަނީ ހުއްޓިފައެވެ. ދަނޑުވެރިކަން ކުރުމަށާއި ދަނޑުވެރިކަމާއި ގުޅޭ އެކި ހަރަކާތްތައް (އީޖާދީ ތަހްލީލްތައް ކުރުމާއި ހުނަރު ދަސްކޮށް ދިނުމަށް) ހިންގުމަށް 315637.00 އަކަފޫޓްގެ ބޮޑު ބިމެއް މިނިސްޓްރީ އޮފް ފިޝަރީޒް އެންޑް އެގްރިކަލްޗަރ އަށް ދޫކޮށްފައިވެއެވެ. އަދި ހަނިމާދޫގެ ދަނޑުވެރިންނަށް ދަނޑުބިން ދޫކޮއްފައިވެއެވެ.
މިރަށަކީ ބިމުގެ ގޮތުން ތަނަވަސް ބޮޑެތި އިންވެސްޓަރުންނަށް އިންވެސްޓްކުރުމަށް ބިންދޫކުރެވިދާނެ ރަށެކެވެ. މިގޮތުން މިރަށުން މިހާރުވެސް 288000 އަކަފޫޓްގެ ބިން ދޫކުރެވިފައިވެއެވެ. މިރަށުގައި ނަރުދަމާ ނިޒާމެއް ޤާއިމުކުރެވި ސަޕްލައިފެން ގޭބިސީ ތަކަށް ދޫކުރެވިފައިވާކަން ފާހަގަ ކުރެވެއެވެ. ރަށު ފެންވަރުގައި  ކުނި ނައްތާލުމުގެ މަސައްކަތްތައް ފެށި ކުރިއަށް ދާކަން އުފަލާއެކު ފާހަގަކުރަމެވެ. މިކަމަށްޓަކައި ވެހިކަލްތަކާއި އަދި އެހެނިހެން އާލާތްތައް ކައުންސިލުން ހޯދާފައިވެއެވެ. އަދި ޒަމާނީ ފެންވަރުގެ ކުނި މޭނޭޖްކުރާ މަރުކަޒެއް ސަރުކާރުން އަޅާދީފައިވެއެވެ.
މިރަށުގައި އަސާސީ ޚިދުމަތް ދިނުމުގެ ގޮތުން ހަނިމާދޫއިން އެއްގަމު އުޅަނދުގެ ލައިސެންސް ނެގޭނެ އިންތިޒާމް ހަނިމާދޫ ކައުންސިލުންފަހި ކޮއްދީފައެވެ. އަދި ދިވެހިރައްޔިތެއްކަން އަންގައިދޭ ކާޑް ހަނިމާދޫ ކައުންސިލުން ޕްރިންޓްކޮށް ރައްޔިތުންނަށް ފޯރުކޮށްދިނުމުގެ ޚިދުމަތް ވަނީ 2025 ވަނަ އަހަރު ފަށާފައެވެ. މީގެ އިތުރުން ޕާސްޕޯޓް ޚިދުމަތް ހަނިމާދޫގައި ފެށުމަށްޓަކައި ކައުންސިލުންވަނީ އިމިގްރޭޝަންއަށް ކައުންސިލް އިދާރާއިން ޖާގަ ދީފައެވެ. އަދި މިޚިދުމަތް ވަނީ ރަސްމީކޮށް އިފްތިތާޙްކޮށްފައެވެ. ފެންވަރު ރަނގަޅު ސްކޭޓް ޕާރކެއް ކައުންސިލްގެ ފަރާތުން އަޅާދީފައިވެއެވެ. 2024 ވަނަ އަހަރު ހަނިމާދޫ ކައުންސިލާއި ހދ އަތޮޅު ކައުންސިލްގެ އެހީތެރިކަމާއި އެކު ބަނދަރު ސަރަހައްދުގައި ޒަމާނީ ފެންވަރުގެ ކުޑަކުދިންގެ ޕާރކެއް ތަރައްޤީ ކުރެވިފައިވެއެވެ.   
މިރަށުގެ ގިނަ ޒުވާނުން އާންމުކޮށް ކުޅޭ ކުޅިވަރަކީ ފުޓްބޯޅައެވެ. ފުޓްބޯޅަ ކުޅުމަށް ވިނަދޫލަ އަދި މެޓުން ފުޓްސަލް ދަނޑުތައް އެޅި ޒުވާނުން ބޭނުން ކުރަމުން ދެއެވެ. ހަނިމާދޫ އިޖްތިމާއީ މަރުކަޒުން ޒުވާނުންނަށް ބައެއް ކަހަލަ ކުޅިވަރުތައް އެތަނުގައި ކުޅެވޭނެ އިންތިޒާމުތައް ހަމަޖެހިފައިވެއެވެ. ރަށުގައި ދިރިއުޅޭ ބިދޭސީން ކުރިކެޓާއި ބެޑްމިންޓަން ފަދަ ކުޅިވަރުތައް ކުޅެ ހަދައެވެ. މިފަދަ ބައެއް ކުޅިވަރު ތަކުގައި ބިދޭސީންނާއި ރަށުގެ ރައްޔިތުން ކޮންމެވެސް ވަރަކަށް ބައިވެރިވަމުން ދާކަން ފާހަގަ ކުރެވެއެވެ. މިއުޒިކާއި ބޮޑުބެރު ޖެހުންފަދަ ކުޅިވަރުތައް މިރަށުގެ ރައްޔިތުން ކުޅެމުން ދެއެވެ. މިގޮތުން މިއުޒިކް ބޭންޑެއް އެކުވެރި ބޭންޑުގެ ނަމުގައި ހަރަކާތްތެރި ވާކަން ފާހަގަ ކުރަމެވެ. 
މިރަށަކީ ވަރަށް ބޮޑަށް ރަށްގިރުމުގެ މައްސަލަދިމާވެފައިވާ ރަށެކެވެ. ރަށްގިރުމުގެ މައްސަލަ ހައްލު ކުރުމަށް ކައުންސިލާއި ސަރުކާރާ ދެމެދު މަޝްވަރާ ކުރެވި މިކަމަށް ހައްލު ހޯދުމުގެ މަސައްކަތް ކުރެވެމުން ދެއެވެ. މިސަރަޙައްދުގެ ތިމާވެއްޓަށް އަންނަ ބަދަލުތައް ދިރާސާކޮށް ދެނެގަތުމަށްޓަކައި މިރަށުގެ  އުތުރުކޮޅުގައި ކްލައިމެޓް އޮބްޒަވޭޓްރީއެއް ގާއިމުކޮށް، މޫސުމަށް  އަންނަ ބަދަލުތައް ދިރާސާ ކުރަމުންދެއެވެ. 
ސަރުކާރުގެ އެއްފަސްކުރުމުގެ ސިޔާސަތުގެދަށުން 1999 ވަނަ އަހަރު ހދ. ހޮނޑައިދޫ ރައްޔިތުން އަދި 2007 ވަނަ އަހަރު ހއ. ހަތިފުށީ ރައްޔިތުން މިރަށަށް ބަދަލުކޮށްފައި ވެއެވެ. ސަރުކާރު އެދިލެއްވުމަށް އެކިއެކި ރަށްރަށުގެ މީހުންނަށް ގޯއްޗާއި ހައުސިންގ ޔުނިޓްތައް ކައުންސިލުން ދީފައިވެއެވެ. ދައުލަތުގެ ފަރާތުން ހދ. ހިރިމަރަދޫ ރައްޔިތުން ހދ. ހަނިމާދޫއަށް ބަދަލު ކުރުމަށް ނިންމާ އަދި ހަނިމާދޫގައި 500 ހައުސިންގ ޔުނިޓް އެޅުމަށް ނިންމާފައި ވާކަމަށް 2025 ވަނަ އަހަރުގެ ފެބުރުއަރީ މަހު އިއުލާން ކުރައްވާފައި ވެއެވެ. އެހެންކަމުން ހަނިމާދޫއަކީ ތަފާތު އެކި ރަށްރަށުގެ މީހުން ވަޒަންވެރިވެ އެކުވެރި ކަމާއެކު ދިރިއުޅެމުންދާ ކުށްމަދު ރަށެއްކަން އުފަލާއެކު ފާހަގަ ކުރަމެވެ.


Population and General Information
The population of HDh. Hanimaadhoo is 2,451 people (1,222 females and 1,229 males).
Source: Hanimaadhoo Council Office records. Hanimaadhoo is one of the islands of the Maldives with the 5th largest land area. About 70% of the population lives on the island. In addition to more than 2,664 Maldivians, there are also over 1,300 expatriates living on the island.
Source: 2022 Census and Hanimaadhoo Council records. There are 945 plots allocated on the island, with people currently living in 513 plots. In 2023, an additional 200 plots of 3,000 square feet each were allocated. The population growth rate is about 2%, and by the end of 2026, the population is projected to reach around 3,700.
Economy and Livelihood
Most residents are engaged in government employment. Tourism, fishing, food production, carpentry, construction, and agriculture are also actively practiced on the island.
Transport and Tourism Development
An international airport has been established on the island, improving accessibility for travelers and tourists in the region. A major development project has been initiated to further expand the airport, and the first phase of Hanimaadhoo International Airport was officially opened on 9 November 2025. There is one city hotel and 11 guesthouses operating on the island. Activities such as snorkeling, diving, water sports, sport fishing, and photography services are available for tourists. The council has allocated land for further guesthouse development, and work is ongoing. A harbor measuring 1,200 feet in length and 300 feet in width, including a ferry terminal, has been developed. A two-story fish market with a restaurant has been established. A sunset restaurant has also been developed near Hondaiydoo area and leased to a party for operation. Plans are underway to develop a local market in the harbor area. Fuel services (diesel and petrol) are available at the harbor, and land has been allocated for commercial activities. Roads on the island have been modernized.
Public Services and Infrastructure
Police services are provided from a council building, and land has been allocated in 2025 for a dedicated police station. A customs office has also been established. Electricity is provided 24/7 by Fenaka Corporation. There is a health center with doctors providing 24-hour services. Although a hospital project was included in the state budget since 2022 and contractors were sought multiple times, construction had not begun by 2024. In 2025, the project was handed over to the Road Development Corporation. Hanimaadhoo School provides education from foundation stage up to Grade 12. A preschool is operated by the Hanimaadhoo Youth Association. A learning center run by the Islamic University was previously operated but has been temporarily halted after the building was repurposed. A large area of land (315,637 square feet) has been allocated to the Ministry of Fisheries and Agriculture for agricultural development and training. Farmland has also been allocated to local farmers.
Investment and Environment
The island has significant land available, making it attractive for investors. So far, 288,000 square feet of land has been allocated for investment purposes. A sewerage system has been established, and piped water is supplied to households. Waste management efforts have been initiated, with equipment and vehicles procured by the council. A modern waste management center has also been established.
Administrative Services and Facilities
Services such as issuing driving licenses and printing national ID cards are available through the council. Passport services were also officially launched in 2025. A modern skate park and a children’s park (developed in 2024) are available.
Sports and Culture
Football is the most popular sport among youth. Facilities such as outdoor and indoor futsal courts are available. Expatriates also engage in sports like cricket and badminton. Cultural activities include music and traditional bodu beru drumming. A local music band named “Ekuveri Band” is active.
Environmental Concerns
The island faces significant coastal erosion issues. The council and government are working together to address this. A climate observatory has been established in the northern part of the island to study environmental and weather changes.
Population Consolidation and Housing
Under government population consolidation policies, residents from HDh. Hondaiydoo (1999) and HA. Hathifushi (2007) were relocated to Hanimaadhoo. Housing units and land plots have been provided. In February 2025, it was announced that residents of HDh. Hirimaaradhoo would also be relocated, along with plans to construct 500 housing units in Hanimaadhoo.
Hanimaadhoo is a diverse and growing island where people from different islands live together in unity.



ހިރިމަރަދޫގައި ގާއިމުކުރުމަށް ހަމަޖެހިފައިވާ ކުނި މެނޭޖްކުރާ މަރުކަޒު، ހަނިމާދޫގައި ބިނާކުރުމަށްޓަކައި ބިން ހަވާލުކުރުމުގެ އެއްބަސްވުމުގައި 'ބިލްޑް ޓެކް' އާއެކު 15 ފެބްރުއަރީ 2026 ގައި ވަނީ ސޮއިކޮށްފައެވެ.

މި މަޝްރޫޢަކީ ރަށުގެ ސާފުތާހިރުކަން ދަމަހައްޓައި، ތިމާވެއްޓާ ރައްޓެހި ގޮތެއްގައި ކުނި ނައްތާލުމުގެ ނިޒާމު ހަރުދަނާކުރުމަށް އެޅޭ މުހިންމު ފިޔަވަޅެކެވެ.

ކުނި މެނޭޖްކުރާ މަރުކަޒު ގާއިމުކުރުމަށް ބިން ހަވާލުކުރުމުގެ އެއްބަސްވުމުގައި ސޮއިކުރުން.

ޔުނިސެފްގެ ދެކުނު އޭޝިއާ ސަރަޙައްދުގެ ޑެޕިއުޓީ ރީޖަނަލް ޑައިރެކްޓަރ، ޖޫލިއާނާ ލިންޑްސޭ ރާއްޖެއަށް ކުރައްވަމުންދާ ރަސްމީ ދަތުރުފުޅުގެ ތެރެއިން މިއަދު ހދ. ހަނިމާދުއަށް ޒިޔާރަތްކުރައްވައިފިއެވެ.

މި ޒިޔާރަތަކީ ޔުނިސެފް މޯލްޑިވްސްގެ ކުރިމަގުގެ ސްޓްރެޓީޖިކް މިސްރާބު ކަނޑައެޅުމަށާއި، 2027 އިން 2031 އަށް އެކުލަވާލުމަށް ހަމަޖެހިފައިވާ އައު "ކަންޓްރީ ޕްރޮގްރާމް" ފަރުމާކުރުމަށް ބޭނުންވާ މުހިންމު މަޢުލޫމާތުތައް އެއްކުރުމަށް ކުރެއްވި ޒިޔާރަތެކެވެ. މި ދަތުރުފުޅުގައި ޖޫލިއާނާ ވަނީ ހަނިމާދޫ ކައުންސިލާ ބައްދަލުކުރައްވައި، ރަށުގެ ކުޑަކުދިންނާއި ޒުވާނުންގެ ހާލަތާ ގުޅޭގޮތުން  މަޝްވަރާކުރައްވާފައެވެ.

ޔުނިސެފަކީ ރާއްޖޭގެ ތަޢުލީމީ އަދި ޞިއްޙީ ދާއިރާގެ އިތުރުން، ކުޑަކުދިންގެ ޙައްޤުތައް ރައްކާތެރިކުރުމަށް ސަރުކާރާ ގުޅިގެން ގިނަގުނަ މަސައްކަތްތަކެއް ކުރަމުންދާ ޖަމްޢިއްޔާއެކެވެ. ޖޫލިއާނާ ލިންޑްސޭގެ މި ޒިޔާރަތަކީ ރާއްޖޭގެ އެކި ސަރަޙައްދުތަކުގައި ތިބި ކުޑަކުދިންގެ ދިރިއުޅުމުގެ ފެންވަރު މަތިކުރުމަށް ޔުނިސެފުން ކުރަމުންދާ މަސައްކަތްތަކަށް ލިބުނު އިތުރު ކުރިއެރުމެކެވެ

ޔުނިސެފްގެ ޑެޕިއުޓީ ރީޖަނަލް ޑައިރެކްޓަރ ޖޫލިއާނާ ލިންޑްސޭ ހަނިމާދުއަށް ޒިޔާރަތްކުރުން. 

ކުރިއަށް އޮތް 1447 ވަނަ އަހަރުގެ ބަރަކާތްތެރި ރަމަޟާން މަހު ހަނިމާދޫގެ ދެ މިސްކިތެއްގައި ތަރާވީޙް ނަމާދު ކުރުމަށްޓަކައި ބޭރުގެ ހާފިޒުން ގެނައުމުގެ މަސައްކަތް "ދާލަ" އާ ހަވާލުކޮށްފިއެވެ.

މި އެއްބަސްވުމުގައި ސޮއިކުރުމުގެ ރަސްމިއްޔާތު ބާއްވާފައިވަނީ 06 ޖަނަވަރީ 2026 ގައެވެ.  މި މަސައްކަތުގެ ދަށުން ހާފިޒުން ގެނައުމަށް ހަމަޖެހިފައިވަނީ ކައުންސިލްގެ ބެލެނިވެރިކަމުގެ ދަށުން ހިންގާ މަސްޖިދުލް މޫސާ އަލީ އާއި މަސްޖިދުލް ތައުބާއަށެވެ. މި އެއްބަސްވުމުގެ ދަށުން ދެ މިސްކިތަށް 01 ހާފިޒުން ގެނައުމަށް ވަނީ ހަމަޖެހިފައެވެ. މި މަސައްކަތް ދާލަ އާ ހަވާލުކޮށްފައިވަނީ ޖުމްލަ 99,500 (ނުވަދިހަ ނުވަހާސް ފަސްސަތޭކަ) ރުފިޔާއަށެވެ. އަދި ހާފިޒުންގެ ހިދުމަތް ދިނުމަށް ހަމަޖެހިފައިވަނީ 1447 ވަނަ އަހަރުގެ ރަމަޟާން މަހުގެ 1 ވަނަ ދުވަހުން ފެށިގެން އެ މަހުގެ ނިޔަލަށެވެ.

ހަނިމާދޫ ކައުންސިލުން އަބަދުވެސް މަސައްކަތް ކުރަމުންދަނީ ރަށުގެ ދީނީ ކަންކަން ކުރިއެރުވުމަށާއި، ރަމަޟާން މަހުގެ ފުރިހަމަ ސަވާބާއި ދަރުމަ ހޯދުމަށް ރައްޔިތުންނަށް ބޭނުންވާ އެންމެހައި އިންތިޒާމުތައް ފުރިހަމަކޮށްދިނުމަށެވެ.

ރަމަޟާން މަހު ތަރާވީޙް ނަމާދުކުރުމަށް ހާފިޒުން ގެނައުމަށް "ދާލަ" އާ ހަވާލުކުރުން. 

ރޯދަމަހަށް މިސްކިތްތައް މަރާމާތުކުރުމަށް ބީތްރީ ކުންފުންޏާ ހަވާލުކުރުން. 

ހދ. ހަނިމާދޫގައި އަލަށް އުފައްދާފައިވާ ދީނީ ޖަމިއްޔާއެއް ކަމަށްވާ "ހަނދުމަ ޖަމިއްޔާ" ގެ ބޭފުޅުން، 2025 ޑިސެމްބަރު 02 ވީ އަންގާރަ ދުވަހު ހަނިމާދޫ ކައުންސިލާ ބައްދަލުކޮށްފިއެވެ. މި ބައްދަލުވުން ބާއްވާފައިވަނީ ހަނިމާދޫ ކައުންސިލް އިދާރާގައެވެ.

ހަނދުމަ ޖަމިއްޔާއަކީ ހަނިމާދޫގެ ރައްޔިތުންގެ މެދުގައި ދީނީ ހޭލުންތެރިކަން އިތުރުކޮށް، އިސްލާމީ ޢިލްމު ފެތުރުމުގެ މަޤްސަދުގައި އަލަށް އުފައްދާފައިވާ ޖަމިއްޔާއެކެވެ. މި ބައްދަލުވުމުގައި ޖަމިއްޔާގެ ބޭފުޅުން ވަނީ ކުރިއަށް ގެންދިއުމަށް ރާވާފައިވާ ތަފާތު ދީނީ ޕްރޮގްރާމްތަކާ ބެހޭ މައުލޫމާތު ކައުންސިލާ ހިއްސާކޮށްފައެވެ.

ހަނދުމަ ޖަމިއްޔާއިން ހިންގަން ނިންމާފައިވާ ޕްރޮގްރާމްތަކުގެ ތެރޭގައި ދީނީ ދަރުސް ޕްރޮގްރާމްތަކާއި، ކީރިތި ޤުރުއާން ހިފްޒުކުރުމުގެ ޕްރޮގްރާމްތައް ހިމެނެއެވެ. މީގެ އިތުރުން، އިސްލާމީ ޝަޢާއިރުތަކުގެ ތެރޭގައި ހިމެނޭ ބަންގި ގޮވަން ދަސްކޮށްދިނުމުގެ ޕްރޮގްރާމެއްވެސް ހިންގުމަށް ނިންމާފައިވާކަން ޖަމިއްޔާގެ ބޭފުޅުން ފާހަގަކުރެއްވިއެވެ. މިނޫނަސް އެހެނިހެން ދީނީ ޕްރޮގްރާމްތައްވެސް ހިންގުމަށް ރާވާފައިވާކަމަށް އެބޭފުޅުން ހާމަކުރެއްވިއެވެ.

މި ބައްދަލުވުމުގައި ހަނިމާދޫ ކައުންސިލުން ވަނީ ހަނދުމަ ޖަމިއްޔާއިން ކުރިއަށް ގެންދާ މިފަދަ ދީނީ މުހިންމު މަސައްކަތްތަކަށް ފުރިހަމަ އެއްބާރުލުމާއި އެހީތެރިކަން ދިނުމަށް ޔަގީންކަން ދީފައެވެ. ކައުންސިލުން ފާހަގަކުރެއްވީ ރަށުގެ ދީނީ ކުރިއެރުމަށާއި މުޖުތަމަޢުގެ ރަނގަޅު އަޚްލާޤީ ދިރިއުޅުމަކަށް މިފަދަ ޖަމިއްޔާތަކުގެ ދައުރު މުހިންމު ކަމަށާއި، މިފަދަ މަސައްކަތްތަކަށް ކައުންސިލް އަބަދު

ވެސް އެހީތެރިވާނެ ކަމަށެވެ.

ހަނިމާދޫގައި އަލަށް އުފެދުނު ދީނީ ޖަމިއްޔާ، ހަނދުމަ ޖަމިއްޔާއިން ކައުންސިލާ ބައްދަލުކުރުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ "އެއްމިލިއަން ގަސް އިންދުމުގެ" ސިޔާސަތުގެ ދަށުން، ހަނިމާދޫ ކައުންސިލުން ވަނީ 2025 ވަނަ އަހަރުގެ އޮކްޓޯބަރު މަހުގެ 26 ވަނަ ދުވަހު،  ރަށުގެ އެކި ސަރަހައްދުގައި 50 ބަނބުކެޔޮ ގަސް އިންދާފައެވެ. މި ހަރަކާތަކީ ރައީސުލްޖުމްހޫރިއްޔާގެ ވައުދުފުޅު ފުއްދުމަށް އިސްނަގައިގެން ކުރިއަށް ގެންދިޔަ މުހިންމު ޕްރޮގްރާމެކެވެ. މި ގަސްތައް ހަދިޔާކޮށްފައިވަނީ ހަނިމާދޫ އެގްރިކަލްޗަރ ސެންޓަރުންނެވެ. 

ހަނިމާދޫ ކައުންސިލުން މި ޕްރޮގްރާމް ހިންގާފައިވަނީ ރަށުގެ ތިމާވެށި ރައްކާތެރިކުރުމާއި، ގަސްގަހާގެހި ގިނަކުރުމުގެ މަޤްސަދުގައެވެ. އިންދި 50 ބަނބުކެޔޮ ގަހަކީ ރަށުގެ ތަފާތު ސަރަހައްދުތަކާއި، އާންމު ތަންތަނުގައި އިންދާފައިވާ ގަސްގަހެވެ. މި ގަސްތަކަކީ ތިމާވެއްޓަށް ފައިދާހުރި ގަސްތަކެއްގެ އިތުރުން، ރަށުގެ ރައްޔިތުންނަށް ދިގު މުއްދަތުގައި ކާނާގެ ބޭނުންތަކަށް ވެސް ފައިދާކުރާނެ ގަސްތަކެކެވެ.

ރައީސުލްޖުމްހޫރިއްޔާ ޑރ. މުޢިއްޒުގެ "އެއްމިލިއަން ގަސް އިންދުމުގެ" ވައުދުފުޅަކީ ދިވެހިރާއްޖޭގެ ތިމާވެށި ހިމާޔަތްކޮށް، ގަސްގަހާގެހި ގިނަކުރުމަށް އަމާޒުކޮށްފައިވާ ދުރުވިސްނޭ ސިޔާސަތެކެވެ. މިއީ ރާއްޖޭގެ ރަށްތަކުގެ ހިތްފަސޭހަކަން އިތުރުކޮށް، ޤުދުރަތީ ރީތިކަން ހިފަހައްޓައި، ތިމާވެއްޓަށް އަންނަ ބަދަލުތަކާ ކުރިމަތިލުމަށް ކުރާ މަސައްކަތެކެވެ. 

ކައުންސިލުން ބުނީ، މި ޕްރޮގްރާމްގެ ދަށުން ގަސް އިންދުމުގެ އިތުރުން، ގަސްތައް ރައްކާތެރިކޮށް ބެލެހެއްޓުމަށް ވެސް ޚާއްސަ ސަމާލުކަމެއް ދޭނެ ކަމަށެވެ. މީގެ ސަބަބުން މިހާރު އިންދާފައިވާ ބަނބުކެޔޮ ގަސްތައް ބޮޑުވެ، އެ ގަސްތަކުގެ ފައިދާ ރަށުގެ ރައްޔިތުންނަށް ލިބޭނެ ކަމަށް އުންމީދު ކުރެވެއެވެ.

ހަނިމާދޫ ކައުންސިލުން ރައީސުލްޖުމްހޫރިއްޔާގެ އެއްމިލިއަން ގަސް އިންދުމުގެ ވައުދު ފުއްދުމަށް 50 ބަނބުކެޔޮ ގަސް އިންދައިފި

ހަނިމާދޫ ކައުންސިލުން ކޮންމެ އަހަރަކުވެސް ބާއްވަމުން އަންނަ  ޤުރުއާން މުބާރާތް ހިންގައިދޭނެ ފަރާތެއް ހޯދުމަށް ހުޅުވާލި ބިޑް ކާމިޔާބުކުރި 'ޑްރާފްޓް އެންޑް ކްރާފްޓް' އާއި މި މަސައްކަތް ހަވާލުކުރުމުގެ އެއްބަސްވުމުގައި 13 އޮކްޓޯބަރ 2025 ވީ ހޯމަ ދުވަހުގައި ސޮއެކޮށްފިއެވެ. 

މި މުބާރާތަކީ ހަނިމާދޫ ކައުންސިލުން ރަށުގެ  ސްކޫލް ކުދިންނަށް  ޤުރްއާނާ ގުޅުންހުރި އިލްމާއި ހުނަރު އިތުރުކުރުމުގެ މަޤްސަދުގައި ކުރިއަށް ގެންދާ މުހިންމު މުބާރާތެކެވެ. މި މަސައްކަތް ބިޑްކޮށް 'ޑްރާފްޓް އެންޑް ކްރާފްޓް' އާ ހަވާލުކޮށްފައިވަނީ 149,900/-ރ (އެއްލައްކަ ސާޅިސް ނުވަހާސް ނުވަސަތޭކަ ރުފިޔާ) ގެ އަގަށެވެ. 

'ޖަވާހިރުލް ޤުރްއާން މުބާރަތް 1447' ކުރިއަށްގެންދުމަށް ހަމަޖެހިފައިވަނީ 2025 ވަނަ އަހަރުގެ އޮކްޓޯބަރ މަހުގެ 17 ވަނަ ދުވަހާއި 18 ވަނަ ދުވަހުއެވެ. މި މުބާރާތުގެ މައިގަނޑު މަޤްސަދަކީ ޤުރްއާން ކިޔެވުމަށާއި، ޤުރައާނުގެ މުޤައްދަސް ކަލިމަފުޅުތަކަށް ޅޯބިޖެއްސުމަށް ސްކޫލް ދަރިވަރުން ބާރުއެޅުމެވެ. އަދި ޤުރްއާނުގެ ހިދާޔަތުން ދިރިއުޅުުގެ ކަންކަން ބައްޓަންކުރުމަށް ހިތްވަރުދިނުމެވެ. 

ހަނިމާދޫ ކައުންސިލުން އުންމީދުކުރަނީ މި މުބާރާތުގެ ސަބަބުން ސްކޫލް ކުދިންގެ މެދުގައި ޤުރުއާން ކިޔެވުމުގެ ރޫހު އިތުރަށް އާލާވެ، ދީނީ ރޮނގުން އެ ކުދިންނަށް ފައިދާކުރުމަށެވެ.

ހަނިމާދޫ ކައުންސިލްގެ ޖަވާހިރުލް ޤުރުއާން މުބާރާތް 1447 ހިންގުމުގެ މަސައްކަތް 'ޑްރާފްޓް އެންޑް ކްރާފްޓް' އާ ހަވާލުކުރުން

ހދ. ހަނިމާދޫގައި އައިޑީ ކާޑު ޕްރިންޓްކޮށް ދޫކުރުމުގެ ޚިދުމަތް 04 އޮކްޓޯބަރ 2025 ވަނަ ދުވަހު ރަސްމީކޮށް ފަށައިފި އެވެ. މި ޚިދުމަތް އިފްތިތާހުކޮށްދެއްވީ މިނިސްޓަރު އޮފް ސްޓޭޓް އަބްދުލްމަޖީދު އިބްރާހީމެވެ. މި ޚިދުމަތް ފެށުމާއެކު، ހަނިމާދޫގެ ރައްޔިތުންނަށާއި، ކައިރި ރަށްރަށުގެ ރައްޔިތުންނަށް ވެސް  އައިޑީ ކާޑު ހައްދައި، ޕްރިންޓް ކުރުމުގެ އިންތިޒާމު މިވަނީ ހަމަޖެހިފަ އެވެ.

މި ޚިދުމަތް ހަނިމާދޫގައި ފެށިފައިވަނީ، ދިވެހިރާއްޖޭގެ ރައީސް ޑރ. މުޙައްމަދު މުޢިއްޒު ހަނިމާދޫއަށް ކުރެއްވި ދަތުރުފުޅެއްގައި، އެ ރަށުގެ ރައްޔިތުންނަށް މި ޚިދުމަތް ފަށްޓަވައިދެއްވާނެ ކަމަށް ވައުދުވެވަޑައިގެންނެވިތާ 39 ދުވަހުގެ ކުރު މުއްދަތުގެ ތެރޭގަ އެވެ. ސަރުކާރުން ރައްޔިތުންނަށް ފަސޭހަ ގޮތްތައް ހޯދައިދިނުމަށް ދެމުންދާ ސަމާލުކަން މިކަމުން ހާމަވެ އެވެ.

މި މުހިންމު ޚިދުމަތް ހަނިމާދޫގައި ޤާއިމުކުރުމަށްޓަކައި، ހަނިމާދޫ ކައުންސިލުން ވަނީ ސަރުކާރަށް ފުރިހަމައަށް އެއްބާރުލުން ދީފަ އެވެ. ޚިދުމަތް ދިނުމަށް ބޭނުންވާ ތަނާއި އެހެނިހެން ލޮޖިސްޓިކް އެހީތެރިކަން ކައުންސިލުން ފޯރުކޮށްދިނުމުގެ ސަބަބުން، މި މަސައްކަތް އަވަސްކޮށް، ރައްޔިތުންނާ ހަމައަށް މި ޚިދުމަތް އަވަހަށް ފޯރުކޮށްދިނުމަށް ވަނީ މަގުފަހިވެފަ އެވެ. މިކަމުން ދައްކުވައިދެނީ ސަރުކާރާއި ކައުންސިލް ގުޅިގެން ރައްޔިތުންނަށް ދެވޭ ޚިދުމަތްތައް ހަރުދަނާކުރުމަށް ކުރާ މަސައްކަތެވެ. 

މި ޚިދުމަތް ހަނިމާދޫގައި ފެށުމުގެ ސަބަބުން، ކުރިން އައިޑީ ކާޑު ހެދުމަށް ނުވަތަ ބަދަލުކުރުމަށް މާލެއަށް ނުވަތަ އެހެން ބޮޑެތި ރަށްރަށަށް ދަތުރުކުރަން ޖެހުމުގެ ދަތިކަން ވަރަށް ބޮޑަށް ހައްލުވެގެންދާނެ ކަމަށް ހަނިމާދޫ ރައްޔިތުން ބުނެ އެވެ. މިހާރު ރަށުގަ ތިބެގެން ކާޑު ލިބޭނެ އިންތިޒާމު ހަމަޖެހިފައިވުމުން، ދަތުރުފަތުރުގެ ހޭދަ ކުޑަވެ، ވަގުތު ސަލާމަތްވެ، މާލީ ގޮތުންނާއި ނަފްސާނީ ގޮތުން ވެސް ރައްޔިތުންނަށް ބޮޑު ފަސޭހައެއް ލިބިގެންދާނެ އެވެ. މިއީ ސަރުކާރުން ރާއްޖޭގެ އެކި ކަންކޮޅުތަކަށް ޚިދުމަތްތައް ލާމަރުކަޒީކުރުމަށް ކުރަމުންދާ މަސައްކަތުގެ އިތުރު ފިޔަވަޅެކެވެ.

ހދ. ހަނިމާދޫގައި އައިޑީ ކާޑު ޕްރިންޓްކޮށް ދޫކުރުމުގެ ޚިދުމަތް ފެށުން

ހދ.ހަނިމާދޫ ކައުންސިލުން، ރަށުގެ ފަތުރުވެރިކަމުގެ ވިޔަފާރި ތަރައްޤީކޮށް އިޤްތިޞާދީ ހަރަކާތްތައް ފުޅާކުރުމުގެ މަޤްޞަދުގައި، ޓޫރިޒަމް ޒޯން ނަންބަރ: 14 ކިޔާ ބިން، 50 (ފަންސާސް) އަހަރުގެ މުއްދަތައް ކުއްޔަށް ދިނުމުގެ އެއްބަސްވުމުގައި ސޮއެކޮށްފިއެވެ. މި އެއްްބަސްވުން އެރުވުނީ ބިޑްކުރުމުގެ ފުރުސަތު ހުޅުވާލައިގެން ކުރެވުނު އިޢުލާނަކަށްފަހު، އެ މަސައްކަތް ކާމިޔާބުކުރި 'ފައުނު އެންޓަރޕްރައިސިސް ޕްރައިވެޓް ލިމިޓެޑް' އާއެވެ. 

މި އެއްބަސްވުމުގައި ސޮއެއްކޮށްފައިވަނީ 02 އޮކްޓޯބަރ 2025 ވީ ބުރާސްފަތި ދުވަހުއެވެ. ކުއްޔަށް ދެވިފައިވާ ބިމަކީ 5000 (ފަސްހާސް) އަކަފޫޓުގެ ބިމެކެވެ. މި ބިން ކުއްޔަށް ދޫކުރެވިފައިވަނީ ފަތުރުވެރިކަމާއި ގުޅުންހުރި ވިޔަފާރި ހިންގުމަށެވެ.  

ހަނިމާދޫ ކަުއުންސިލުން މިފަދަ މަސައްކަތްތައް ހިންގަމުންދަނީ، ރަށްރަށުގެ ކައުންސިލްތައް ބާރުވެރިކުރުމާއި، ރަށުގެ އިޤްތިޞާދީ ތަރައްޤީއަށް ދުރު ރާސްތާގެ ފައިދާ ހޯދައިދިނުމުގެ ގޮތުންނެވެ. މިފަދަ މަޝްރޫޢުތަކަކީ ރަށުގެ ރައްޔިތުންނަށް ވަޒީފާގެ ފުރުސަތުތައް އުފައްދައި، ކައުންސިލްތަކަށް އާމްދަނީ އިތުރިކޮށްދޭނެ ކަންކަމެވެ. 

ޙާއްސަކޮން، ހަނިމާދޫގައި ޤާއިމްކުރެވޭ އައު އިންޓަނޭޝަނަލް އެއަރޕޯޓާއެކު، އުތުރުގެ ސަރަހައްދުގައި ފަތުރުވެރިކަމުގެ ހަރަކާތްތައް ފުޅާވެ، އެ ސަރަހައްދަށް އަންނަ ފަތުރުވެރިންގެ އަދަދު އިތުރުވާނެ ކަމަށް ލަފާކުރެވިފައެވެ. މިގޮތުން، މިފަދަ ވިޔަފާރިތަކަކީ އެއަރޕޯޓާއެކު އުފެދޭ ފުރުސަތުތަކުގެ ބޭނުން ހިފައި، ރަށުގެ ތަރައްޤީއަށް އިތުރު ބާރެއް ގެނެސްދޭނެ ކަމެއް ކަމަށް ހަނިމާދޫ ކައުންސިލުން ވަނީ ފާހަގަކޮށްފައެވެ. 

 ހަނިމާދޫ ކައުންސިލުން ޓޫރިޒަމް ޒޯން ނަންބަރު 14 ކުއްޔަށް ދިނުމުގެ އެއްބަސްވުމުގައި ސޮއެކުރުން.

ޑިޕާޓްމަންޓް އޮފް ނޭޝަނަލް ރެޖިސްޓްރޭޝަންގ އާއި ހދ.ހަނިމާދޫ ކައުންސިލާ އައި.ޑީ.ކާޑު ޕްރިންޓަރ ޙަވާލު ކުރަންވެވޭ އެއްބަސްވުން

ޑިޕާޓްމަންޓް އޮފް ނޭޝަނަލް ރެޖިސްޓްރޭޝަންގ އާއި ހދ.ހަނިމާދޫ ކައުންސިލަ އައި.ޑީ.ކާޑު ޕްރިންޓަރ ޙަވާލު ކުރަންވެވޭ އެއްބަސްވުން

މި ފްރޮޖެކްޓަކީ ހަނިމާދޫގައި މި ވަގުތު ސްޓޭއްޖެއް ނެތުމުން އަދި ކުޅިވަރާއި މުނިފޫހިފިލުވުމަށް ދެމެހެއްޓެނެވި ތަރައްޤީ ގެ ނިޒާމެއް ޤާއިމްކުރުމުގެ ގޮތުން ހަނިމާދޫ ކައުންސިލުން ކުރިއައްގެންދާ ބިޔަ ޕްރޮޖެކްޓެވެ. 

Secretariat of Hanimaadhoo Council

1024

215

33

09

1024

215

33

09

Announcements

Directory

News